Барэль выказаўся за адабранне замарожаных расійскіх актываў

Вярхоўны прадстаўнік ЕС па знешніх справах і палітыцы бяспекі Жазэп Барэль выказаўся за канфіскацыю расійскіх замарожаных актываў. Сродкі, паводле яго меркавання, павінны накіраваць на аднаўленне Украіны.

У інтэрв'ю Financial Times ён нагадаў, што ЗША забралі актывы цэнтральнага банка Афганістана. На думку Барэля, такая ж схема павінна быць разгледжана ў адносінах да Расіі.
«Я быў бы вельмі «за», бо яна поўная логікі. Хтосьці павінен мне растлумачыць, чаму гэта добра для афганскіх грошай і дрэнна для расійскіх грошай», — сказаў ён.
Трэба адзначыць, што ў Кангрэсе ЗША ўжо прыняты закон аб канфіскацыі расійскіх актываў коштам больш за 2 млн долараў.
reform.by