Дашкевіча аштрафавалі за тое, што яго збілі міліцыянты

Суд Партызанскага раёну Менска аштрафаваў лідара «Маладога фронту» Змітра Дашкевіча на 10 базавых велічынь за «непадпарадкаванне міліцыі» і на 45 — за «ўдзел у несанкцыянаванай акцыі».

Сумарны штраф — 50 базавых велічыняў альбо 1050 рублёў, больш суд прызначыць ня мае права.
Пра гэта з залі суду паведамляе праз Twitter тэлеканал «Белсат». Карэспандэнтку Свабоды выдалілі з суду за фота сведкаў-АМАПаўцаў, хоць здымкі не забаранялі. Дашкевіч не прысутнічаў на прысудзе — ён паехаў на суд над Уладзімерам Кондрусем. паведамляе Радыё Свабода. Раней Дашкевіч казаў, што пойдзе на суд над сабой толькі каб даведацца і абвясціць імёны сведкаў-АМАПаўцаў.