Італія ўзмоцніць падтрымку медыя і грамадзянскай супольнасці Беларусі

А таксама падтрымае «разумныя санкцыі» супраць рэжыму — такія вынікі візіту Святланы Ціханоўскай у Італію.

Завяршыўся візіт Святланы Ціханоўскай ў Італію. Асноўныя сустрэчы і мерапрыемствы:
- сустрэча з міністрам замежных спраў Луіджы Дзі Майа, рабочыя кансультацыі з намеснікам міністра замежных спраў;- сустрэчы з міністрам працы Андрэа Арланда і міністрам па еўрапейскіх справах Энца Амелдона;- сустрэча са спікерам палаты дэпутатаў, удзел у слуханнях у Камітэце па міжнародных адносінах Палаты дэпутатаў парламента Італіі пад старшынствам П'еро Фасіна;- сустрэча з мэрам Рыма Вірджынія Раджы;- сустрэчы кіраўніцтвам палітычных партый і ўплывовымі палітыкамі ў сферы знешняй палітыкі Італіі;- рабочыя кансультацыі з кіраўнікамі і прадстаўнікамі шэрагу дыппрадстаўніцтваў у Рыме (Вялікабрытанія, Літва, Мексіка, Новая Зеландыя, Польшча, ЗША);- сустрэча з праваабаронцамі, з італьянскімі і міжнароднымі прафсаюзамі.
Асноўныя вынікі сустрэч і перамоў:
- Італьянскі бок пацвердзіў нязменнасць пазіцыі Рыма аб непрызнанні вынікаў выбараў 9 жніўня 2020 года і аб падтрымцы барацьбы беларусаў за свабоду.
- Святлана Ціханоўская заклікала неадкладна звярнуць увагу на сітуацыю з палітвязнямі, умовы ў турмах, адвольныя затрыманні і судовыя працэсы.
- Беларускі лідар звярнулася да італьянскіх палітыкаў з заклікам пісаць палітвязням і іх сем'ям, арганізаваць для іх праграмы па рэабілітацыі, падтрымліваць незалежныя медыя, телеграм-каналы, ініцыятывы самвыдату, мясцовыя супольнасці, страйкі рабочых, студэнтаў, мастакоў, артыстаў, музыкаў.
- Абмеркавалі з афіцыйнымі органамі, медыя і аналітычнымі структурамі фарматы і пляцоўкі для перамоў па выхадзе з крызісу. У гэтым кантэксце абмеркавалі правядзенне міжнароднай канферэнцыі высокага ўзроўню па выхаду з крызісу ў Беларусі, варыянты міжнароднай медыяцыі з мэтай пачатку перамоў з дэмакратычнымі сіламі, у тым ліку пад эгідай АБСЕ ці групай зацікаўленых краін.
- Мэрыя Рыма разгледзіць прапанову беларускага лідара прыняць выставу і правесці серыю мерапрыемстваў, прысвечаных падзеям у Беларусі.
- Італія гатова падтрымаць меры па ўзмацненні ціску на рэжым з мэтай спыніць рэпрэсіі і пачаць перамовы, у тым ліку праз прымяненне «разумных санкцый», якія дапамогуць аказаць максімальны кропкавае ціск на рэжым і яго набліжаных.
- Сустрэча з беларускай дыяспарай у Італіі ў Рыме. Мілан, Фларэнцыя, Трыест, Неапаль, Падуя, Верона - гарады, з якіх прыехалі беларусы.
«На кожнай сустрэчы я кажу пра палітвязняў, нашых адважных і смелых жанчын, лекараў, студэнтаў, рабочых і ўсіх, хто працягвае змагацца ў Беларусі. У кожным горадзе Еўропы павінны ведаць пра нашу з вамі барацьбу, наш з вамі боль і нашу з вамі будучую перамогу. Я хачу перадаць усім беларусам, што намі захапляецца свет», - сказала Святлана Ціханоўская.