Лукашэнка прызначыў Кабякова прэм’ерам

Лукашэнка падпісаў 16 снежня ўказ № 488 аб прызначэнні прэм'ер-міністра Рэспублікі Беларусь.



belaruspartisan.org

У адпаведнасці з пунктам 6 артыкула 84 Канстытуцыі на гэтую пасаду прызначаны Андрэй Кабякоў з наступным узгадненнем яго назначэння з Палатай прадстаўнікоў, паведамляе прэзідэнцкая прэс-служба.

Літаральна за некалькі гадзін перад тым на нарадзе па актуальных пытаннях сацыяльна-эканамічнага развіцця Лукашэнка прыняў рашэнне аб перапрызначэнні прэм'ер-міністра і віцэ-прэм'ераў.  Ён нагадаў, што ўрад быў сфармаваны  яшчэ да прэзідэнцкіх выбараў:

"Так другі раз у нашай гісторыі мы паступаем, каб людзі бачылі, хто будзе працаваць ва ўрадзе, калі гэтага прэзідэнта абіраюць". "Але, тым не менш, мы тады дамовіліся, што пройдзе нейкі час, паўгода, крыху больш, і будзе магчымасць і нам паглядзець на працу новага складу, і вызначыцца людзям, якія папрацуюць ва ўрадзе, можа, ім не спадабаецца",  — заявіў Лукашэнка.