Макей патрабуе запрашэння для Лукашэнкі ў Рыгу незалежна ад вызвалення палітвязняў

Беларуская дэлегацыя возьме ўдзел у саміце Усходняга партнёрства ў Рызе толькі на раўнапраўнай аснове. Пра гэта 8 лютага ў эфіры тэлеканала АНТ заявіў міністр замежных спраў Беларусі Уладзімір Макей.



makiej.jpg

Макей падкрэсліў, што ў Беларусі разлічваюць, што дэлегацыя краіны будзе прымаць удзел у саміце. «Але пры гэтым мы адназначна кажам нашым еўрапейскім партнёрам, што мы павінны быць запрошаныя на раўнапраўнай аснове, мы павінны ўдзельнічаць на раўнапраўнай аснове, каб у адносінах да Беларусі не было ніякай дыскрымінацыі», — сказаў міністр.
Рашэнне аб тым, хто ўзначаліць дэлегацыю, будзе прынята пазней, адзначыў Макей.
Міністр дадаў, што Беларусь працягне свой удзел у праграме «Усходняе партнёрства» «да таго часу, пакуль будзем бачыць, што яна прыносіць карысць».
Паводле БелТА