Масква адмовілася ад подпісу пад Мінскімі дамовамі
Расія адклікала свой подпіс пад дакументам, які замацоўвае графік выканання Мінскіх пагадненняў ад 13 лiстапада 2014 года. Такую заяву зрабіў пасол Украіны пры ААН Юрый Сяргееў.
«13 лістапада 2014 года прадстаўнікі Украіны і Расіі падпісалі працоўны дакумент з выразным графікам выканання палажэнняў Мінскіх пагадненняў. Расійскі бок адклікаў свой подпіс пад гэтым дакументам. 18 студзеня Украіна зноў пацвердзіла свой заклік да Расійскай Федэрацыі, прапанаваўшы падпісаць графік выканання Мінскіх пагадненняў, а менавіта згодна з рэдакцыяй ад 13 лістапада 2014, і дамагчыся, каб спыненне агню пачалося 19 студзеня», — адзначыў дыпламат.
Па словах Сяргеева, пачатак няўхільнага выканання гэтага дакумента створыць ўмовы, якія спрыяюць правядзенню ў найбліжэйшай будучыні кансультацый трохбаковай кантактнай групы, а пазней саміту кіраўнікоў дзяржаў і ўрадаў ў Астане.