Міністэрствы абароны Беларусі і ЗША падпісалі план ваеннага супрацоўніцтва на 2017 год
Рабочая сустрэча прадстаўнікоў Міністэрства абароны Беларусі і Міністэрства абароны Злучаных Штатаў Амерыкі па пытаннях развіцця двухбаковага ваеннага супрацоўніцтва прайшла 20 кастрычніка ў Вашынгтоне.
Фота AFP
Пра гэта паведамляе беларускае абароннае ведамства.
Падчас сустрэчы абмеркаваныя перспектыўныя напрамкі беларуска-амерыканскага ўзаемадзеяння ў ваеннай сферы.
Асноўным вынікам сустрэчы стала падпісанне сумеснай заявы аб супрацоўніцтве паміж міністэрствамі абароны Беларусі і ЗША і плана двухбаковага ваеннага супрацоўніцтва на 2017 год.
Таццяна Каравянкова, БелаПАН