МУС пракаментавала магчымае пранікненне байцоў батальёна Каліноўскага ў Беларусь

Пра гэта выказаўся Мікалай Карпянкоў у эфіры дзяржаўнага тэлеканала СТВ.
Намеснік кіраўніка МУС Мікалай Карпянкоў у эфіры дзяржаўнага тэлеканала СТВ пракаментаваў магчымасць пранікнення на тэрыторыю краіны беларусаў, якія ўдзельнічаюць у адбіцці расійскай агрэсіі ва Украіне.

— Яны на мяжы будуць знішчаныя. Ніхто сюды не прыбудзе, ніхто абстаноўку не дэстабілізуе, — упэўнены Карпянкоў.

Паводле яго слоў, у Беларусі «моцнае, магутнае войска» і праваахоўныя структуры:

— Любы вораг, які паспрабуе штосьці зрабіць у Рэспубліцы Беларусь, будзе знішчаны, — дадаў намеснік кіраўніка МУС.


Нагадаем, батальён імя Кастуся Каліноўскага быў сфарміраваны ва Украіне ў лютым 2022 года. Яго аснову склалі беларусы, якія эмігравалі на хвалі рэпрэсій пасля прэзідэнцкіх выбараў 2020 года.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: