Навумчык: «Гісторыя з Ryanair не апошняя»

Экс-дэпутат Вярхоўнага Савета — пра самы галоўны для беларусаў, на яго погляд, вынік Жэнэўскай сустрэчы.

Сяргей Навумчык падзяліўся на сваёй старонцы ў Фэйсбуку развагамі пра сустрэчу Пуціна і Байдэна.

— Ну а самы галоўны для беларусаў вынік Жэнэўскай сустрэчы — Пуцін цяпер не будзе «здаваць» Лукашэнку. Пакуль за яго Вашынгтонам не будзе прапанаваная вельмі высокая плата (скажам, адмена санкцый за Крым, што цяпер нерэальна). Таму Масква будзе спрыяць, каб Лукашэнка ў вачах Захаду набіраў як мага болей «шорных шароў». А значыць — гісторыя з «Ryanair» не апошняя, — лiчыць Сяргей Навумчык.
Паводле «Салідарнасці»