Нота пратэсту ў сувязі з парушэннем мяжы Беларусі ўручана ваеннаму аташэ Украіны

Мінабароны Беларусі ўручыла ваеннаму аташэ Украіны ноту пратэсту ў сувязі з парушэннем дзяржмяжы Беларусі ў паветранай прасторы, паведамілі ў прэс-службе Мінабароны ў нядзелю.
«5 снежня 2021 года ў Дэпартамент міжнароднага ваеннага супрацоўніцтва Міністэрства абароны быў выкліканы ваенны аташэ пры Пасольстве Украіны ў Рэспубліцы Беларусь, якому была ўручана нота пратэсту ў сувязі з частымі парушэннямі ўкраінскім бокам Дзяржаўнай граніцы Рэспублікі Беларусь у паветранай прасторы», — гаворыцца ў паведамленні ведамства.

Там таксама ўказана, што падставай паслужыла парушэнне 4 снежня 2021 года Дзяржаўнай мяжы Рэспублікі Беларусь у паветранай прасторы ўкраінскім верталётам тыпу Мі-8 у раёне н. п. Новая Рудня.

«Ваеннаму аташэ было даведзена, што ўкраінскі бок пазбягае дыялогу для вырашэння спрэчных пытанняў, як па лініі міжнароднага ваеннага супрацоўніцтва, так і кантролю над узбраеннямі, што вельмі трывожна», — паведамілі ў Мінабароны.

«Былі прыведзены факты, якія сведчаць аб ухіленні Украіны ад выканання абавязацельстваў у рамках рэгіянальных мер даверу і бяспекі, а таксама правядзення на фоне абвінаваўчай у адносінах да Рэспублікі Беларусь рыторыкі шэрагу вучэнняў паблізу ад беларускай дзяржаўнай мяжы падраздзяленнямі ўзброеных сіл Украіны», — дадалі ў ведамстве.

Сукупнасць гэтых фактаў можа сведчыць аб магчымасці з'яўлення пагрозы бяспецы Рэспубліцы Беларусь на паўднёвым напрамку, упэўнены ў міністэрстве абароны Беларусі.

interfax.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: