Польская апазіцыя і ўрад дасягнулі кансэнсусу наконт пытання Беларусі
Свабодная Беларусь — гэта частка польскіх нацыянальных інтарэсаў, — заявіў Маравецкі, паведамляе «Польскае Радыё».
У Варшаве прайшла нарада прэм’ера Матэвуша Маравецкага з прадстаўнікамі ўсіх парламенцкіх партыяў Польшчы. Па выніках сустрэчы Марвецкі заявіў, што па пытанню Беларусі на польскай палітычнай сцэне дасягнуты кансэнсус. У першую чаргу Польшча канцэнтруецца на дапамозе рэпрэсаваным ды іх сем’яў, спрашчэнне візавага рэжыму, асабліва для студэнтаў.
Маравецкі таксама нагадаў, што ўжо некалькі беларускіх дзеячаў змаглі скарыстацца спрошчаным уездам у Беларусі. Польшча разважае пра магчымасць стварэння платформы дыстанцыйнага навучання для беларускіх студэнтаў, якіх адлічылі з беларускіх універсітэтаў праз іх грамадзянскую пазіцыю.
Прэм'ер-міністр Польшчы ў чарговы раз заклікаў беларускія ўлады вызваліць палітвязняў, у прыватнасці Матэвуш Маравецкі затрыманых чальцоў Каардынацыйнай Рады:
— Беларусь павінна быць незалежнай, свабоднай і дэмакратычнай дзяржавай. І падчас сустрэчы мы пагадзіліся, што нашыя дзеянні правільныя. Свабодная Беларусь — гэта частка польскіх нацыянальных інтарэсаў.
Падчас перамоваў кіраўніка ўрада і польскай апазіцыі закраналася таксама тэма польскай меншасці ў Беларусі. Прэм’ер Маравецкі заявіў, што абмеркаваў становішча палякаў у Беларусі са Святланай Ціханоўскай.