Следства правярае дзейнасць журналіста Паўлюка Быкоўскага за дзесяцігоддзе

У Беларусі працягваецца «хаджэнне па пакутах» карэспандэнта Deutsche Welle.

Напярэдадні яму вярнулі канфіскаваныя раней банкаўскія карткі, але аргтэхніку следчыя пакінулі ў сабе для праверкі.
Карэспандэнт Deutsche Welle ў Мінску Паўлюк Быкоўскі быў выкліканы ў сераду, 15 жніўня, у Следчы камітэт Беларусі на допыт. Як паведаміў журналіст, «гутарка прайшла спакойна». Па яе выніках яму вярнулі банкаўскія карткі як яго ўласныя, так і яго жонкі. Раней яны былі канфіскаваныя ў Быкоўскага і жонкі.
Акрамя таго, карэспандэнту DW вярнулі абодва канфіскаваныя цвёрдыя дыскі, аднак кампутар, ноўтбук і іншую аргтэхніку следства пакуль пакінулі ў сябе. Па словах Быкоўскага, для далейшай праверкі фота- і іншыя матэрыялы журналіста, якія назапасіліся за дзесяцігоддзі яго журналісцкай дзейнасць.
У пятніцу, 17 жніўня, Мінскі гарадскі суд павінен разгледзець скаргу адваката журналіста Яўгена Пыльчанка на рашэнне Партызанскага раённага суда, які раней адмовіўся задаволіць скаргу на неправамернасць затрымання па справе аб нелегальным доступе да платнай падпісцы дзяржагенцтва БелТА.
Паводле gazetaby.com