Трамп заклікаў Расію спыніць падтрымку «варожых рэжымаў»

Прэзідэнт ЗША Дональд Трамп заявіў, што Расія павінна спыніць дэстабілізаваць абстаноўку ва Украіне і аказваць падтрымку варожым, паводле яго слоў, рэжымам Сірыі і Ірана.

«Мы заклікаем Расію спыніць сваю дэстабілізуючую дзейнасць ва Украіне і ў іншых месцах, а таксама спыніць падтрымліваць варожыя рэжымы, уключаючы Сірыю і Іран», — сказаў Трамп, выступаючы з прамовай на плошчы Красіньскіх ў Варшаве.
«І замест гэтага [заклікаем Расію] далучыцца да супольнасці адказных нацый у нашай барацьбе супраць агульных ворагаў і ў абароне самой цывілізацыі», — дадаў Дональд Трамп.
Да гэтага ён правёў сустрэчу з прэзідэнтам Польшчы Анджэем Дуда, на якой паабяцаў змагацца з «дэстабілізуючымі паводзінамі Расіі».
Трамп прыехаў у Польшчу перад самітам «Вялікай дваццаткі», які пройдзе ў нямецкім Гамбургу. Саміт Стартуе 7 ліпеня, на гэты ж дзень запланавана сустрэча Трампа першая з прэзідэнтам Расіі Уладзімірам Пуціным.
Пра тое, што сустрэча двух лідэраў адбудзецца і пройдзе ў фармаце асобнай гутаркі, стала вядома ў аўторак, 4 ліпеня. Як заявіў прэс-сакратар расійскага прэзідэнта Дзмітрый Пяскоў, плануецца «паўнавартасная сядзячая сустрэча», а не кантакт «на нагах».
Па словах Пяскова, Трамп і Пуцін абмяркуюць барацьбу з міжнародным тэрарызмам, тэмы Сірыі і Украіны, а таксама «раззбраенчую сферу».
Галоўнай мэтай сустрэчы прадстаўнік Крамля назваў ўсталяванне працоўнага дыялогу, які «жыццёва неабходны для ўсяго свету ў плане павышэння эфектыўнасці рашэння крытычнай масы канфліктаў і праблем, якая расце са дня ў дзень».