Усаў: Поспех Расіі ў Беларусі можа справакаваць Пуціна да пашырэння агрэсіі

Фактычнае падпарадкаванне Беларусі штурхае імперыю да пашырэння экспансіі, лічыць палітолаг Павел Усаў.

Пра гэта Павел Усаў напісаў сваім тэлеграме.

— Геапалітычны поспех Расіі ў Беларусі падштурхоўвае яе да пашырэння агрэсіўных дзеянняў гібрыднага характару ў дачыненні да Украіны і Захаду.

Калі б уплыў Масквы ў Беларусі не быў такім значным, то знешняя палітыка (ультыматумы, пагрозы вайной), магчыма, не дасягнула б такога напружанага ўзроўню, як цяпер.

У Крамлі лічаць, што наша рэспубліка ўжо палітычна і тэрытарыяльна расійская (у канчатковым выніку трэба лічыцца з рознымі варыянтамі гібрыднай акупацыі і кіравання).

Так ці інакш, Лукашэнка прымае рашэнні не як "незалежны" палітык, а як выканаўца волі Масквы.

Адпаведна, перамога ў гэтым кірунку штурхае імперыю да далейшай экспансіі.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: