Вінаградава адправілі за краты на 25 сутак, Арцыбашава — на 15
Грамадскага актывіста Паўла Вінаградава прызналі вінаватым "у непадпарадкаванні міліцыі і нецэнзурнай лаянцы". Паводле абодвух абвінавачванняў ён атрымаў па 15 сутак. Часткова склаўшы два гэтыя пакаранні, агульны тэрмін скарацілі да 25 сутак.
На здымку Павел Вінаградаў і Аляксандр Арцыбашаў. Фота — svaboda.org
.Рашэнне выносіла суддзя Маскоўскага раёна сталіцы Таццяна Матыль. Раней яна арыштавала на 15 сутакАляксандра Арцыбашава, паведамляе Радыё Свабода.
Вінаградаў заявіў у судзе, што яго і Арцыбашава хочуць "нейтралізаваць" напярэдадні выбараў у мясцовыя саветы (23 сакавіка) і Дня Волі (25 сакавіка).
Нагадаем, увечары 13 сакавіка Аляксандр Арцыбашаў прыехаў на машыне да інспекцыі Маскоўскага раёна, дзе адзначаўся былы палітвязень Павел Вінаградаў, які знаходзіцца пад наглядам. Але калі Вінаградаў выходзіў з будынку, яго затрымалі міліцыянты. Потым ДАІ затрымала і Арцыбашава. Ноч яны правялі ў турме на Акрэсціна.