Беларускі футбаліст Садоўскі: Вырашыў выкарыстоўваць родную мову, бо ўсё расійскае мае негатыўную афарбоўку

Былы нападаючы брэсцкага «Руха», а цяпер казахстанскага «Ордабасы» Усевалад Садоўскі распавёў пра тое, што ён прыняў рашэнне больш выкарыстаць беларускую мову.

«Я вырашыў больш выкарыстоўваць сваю родную мову, таму што ўсе расійскае зараз (заўсёды) мае негатыўную афарбоўку. Гэта мы сядзелі ў кавярні, i пакуль я піу каву, Ніна (маецца на ўвазе малентькая дачка гульца. — НЧ.) чытала аб жудасных злачынствах Расіі ва Украіне. Як добра, што яна яшчэ нічога не разумее, хацеў б i я так хаця б на ледзь-ледзь», — цытуе Садоўскага папулярны спартыўны партал (прызнаны «экстрэмісцкім») са спасылкай на інстаграм футбаліста.

Пасля выбараў 2020 года Усевалад Садоўскі ўдзельнічаў у звароце футбалістаў супраць гвалту.