«Вечна тваім застанецца толькі тое, што ты аддаў». Дабрачынны матч «Крумкачоў»

Увечары 22 чэрвеня у Мінску адбыўся матч 1/16 Кубка Беларусі па футболе паміж сталічнымі "Крумкачамі" і "Іслаччу" з Мінскага раёна. Незвычайнасць гэтай сустрэчы у тым, што "Крумкачы" абвясцілі гэты матч дабрачынным. Усе сродкі ад яго мусяць быць накіраваны на рэабілітацыю камерцыйнага дырэктара клубу Юрыя Турэйкі.


1 траўня Юрый Турэйка каментаваў матч "Крумкачы" — "Энергетык-БГАТУ" і падчас гэтага з ім здарыўся інсульт. Са стадыёну на "хуткай" яго адвезлі ў шпіталь, дзе яго напаткаў яшчэ адзіны інсульт ды інфаркт.

2 тыдні Юрый правёў у коме і больш за месяц у рэанімацыі. Ніхто не рабіў ніякіх прагнозаў, бо стан Юрыя быў досыць цяжкі.

Цяпер ён у прытомнасці, можа размаўляць, але наперадзе яшчэ доўгі час рэабілітацыі. Вядома, што гэтая сітуацыя досыць цяжкая і ў маральным ды фізічным і ў матэрыяльным стане, таму каманда здзейсніла такі крок.

Сёння "Крумкачы" паведамілі, што падчас гэтай акцыі было сабрана больш за 10 тысяч рублёў, але ж акцыя ўсё яшчэ працягваецца — квіткі на гэты матч яшчэ можна набыць да канца бягучага тыдня.

Сябры, каманда і балельшчыкі шчыра дзякуюць усім, хто далучыўся і прыгадваюць словы Уладзіміра Караткевіча: "Вечна тваім застанецца толькі тое, што ты аддаў!"




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: