Паглядзіце, як трэнер з Полацка ўцягвае дзяцей у прапаганду вайны (фота)

У панядзелак беларускія паблікі, прысвечаныя адзінаборствам, абляцелі свежыя фатаграфіі з акаўнта дырэктара полацкага спартыўнага клуба «Патрыёт» Сяргея Фірсава з берагоў Краснадарскага краю. На іх трэнер, які падпісаў праўладны ліст спартсменаў, і яго непаўналетнія падапечныя пазіруюць з нанесенай на цела літарай Z — сімвалам вайны, якую развязала Расія ва Украіне.

Біяграфію Фірсава даследавала «Тр*буна» і выявіла, што ў дадатак трэнер-ябацька хлусіць пра свае нібыта гучныя спартыўныя дасягненні.

На сайце спортклуба «Патрыёта» можна даведацца, што Фірсаў паспявае трэніраваць адразу ў шасці відах адзінаборстваў — самба, баявое самба, дзюдо, самаабарона, грэплінг і MMA.

Спартыўныя заслугі Фірсава, пералічаныя на ўсё тым жа сайце, таксама ўражваюць. Да прыкладу, там сцвярджаецца, што палачанін «пяціразовы пераможца Кубка свету па дзюдо», хоць у спісе рэальных пераможцаў беларуса няма. Такі россып тытулаў робіць з Фірсава зорку сусветнага спорту, аднак у спартыўнай супольнасці ён не лічыцца топавым байцом.

У іншых публікацыях Фірсава колькасць тытулаў нават узрастае. У студзені 2021-га з яго Instagram стала вядома, што ён мае золата чэмпіянату свету па самба.

Як аказалася, званне чэмпіёна свету Фірсаў прыпісаў сабе за перамогу ў 2020 годзе на спаборніцтве пад сумнеўнай назвай «Чэмпіянат свету па самба сярод майстроў на прызы Саюзнай дзяржавы», які не мае нічога агульнага з сапраўдным чэмпіянатам свету. ЧС-2020 прайшоў у сербскім Нові-Садзе, дзе ў вагавай катэгорыі Фірсава (да 100 кг) золата ўзяў беларус Андрэй Казусёнак. Аднак гэты факт не перашкаджае кіраўніку «Патрыёта» прыпісваць сабе чужыя дасягненні.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: