АБСЕ: Пад Марыупалем патрабуюць сыходу сепаратыстаў

Жыхары вёскі Пікузы напісалі ліст у адміністрацыю Новаазоўскага раёна, ААН і Чырвоны Крыж.

Жыхары Данбаса паскардзіліся назіральнікам АБСЕ. Фота: facebook.com/oscesmm

У Данецкай вобласці жыхары вёскі Пікузы, якую цяпер кантралююць сілы самаабвешчанай ДНР, перадалі назіральнікам АБСЕ ліст з патрабаваннем сыходу сепаратыстаў з гэтага населенага пункта.

Пра гэта гаворыцца ў справаздачы Спецыяльнай маніторынгавай місіі АБСЕ.

"Жыхары Пікуз перадалі СММ ліст, які таксама быў адрасаваны адміністрацыі Новаазоўскага раёна, ААН і Міжнароднаму камітэту Чырвонага Крыжа. У лісце выкладзены цяжкасці, з якімі сутыкаюцца жыхары (недахоп газазабеспячэння), а таксама патрабаванне неадкладна адвесці ўзброеных мужчын і ўзбраенне ад жылых раёнаў вёскі", — гаворыцца ў паведамленні.

Назіральнікі адзначаюць, што бачылі каля вёскі беспілотнік, а ў самім населеным пункце — двух узброеных мужчын.

Паводле Корреспондент.net

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: