Адкуль не чакалі. «Талібан» заклікаў улады Казахстана і пратэстоўцаў вырашыць праблемы шляхам дыялогу

Прэс-сакратар афганскага МЗС Абдула Кахара Балхі пракаментаваў сітуацыю ў Казахстане.

«Ісламскі эмірат Афганістан ўважліва сочыць за бягучай сітуацыяй у Казахстане і, як сусед і гандлёвы партнёр, занепакоены нядаўнімі беспарадкамі ў краіне. У гэтай сувязі, заклікаем урад і пратэстоўцаў вырашыць існуючыя праблемы шляхам дыялогу і ўзаемаразумення», — напісаў у Twitter прадстаўнік МЗС.

«Талібан» лічыць, што «бяспека і палітычная стабільнасць у рэгіёне ёсць асноўнай умовай для развіцця эканомікі і гандлю, а таксама для шчаслівага жыцця людзей».

«Талібан» захапіў уладу ў Афганістане ў жніўні 2021 года. Дзейнасць «Талібану» прызнана тэрарыстычнай і забаронена ў шэрагу краін, уключаючы Казахстан.

Паводле ТГ-канала «Орда».