Амаль палова жыхароў Расіі не хочуць аб’яднання з Беларуссю

Практычна палова жыхароў Расіі заявілі, што не хочуць аб'яднання РФ і Беларусі. Пра гэта сведчаць вынікі апытання ВЦИОМ, перадае РИА «Новости».

Адзначаецца, што 57% апытаных ведаюць аб стварэнні Саюзнай дзяржавы Расіі і Беларусі, 16% з іх добра інфармаваныя пра гэта, а 41% рэспандэнтаў нешта чулі, але ў дэталі не ўнікалі. Пры гэтым 43% апытаных пачулі пра яго ўпершыню.

Па дадзеных ВЦИОМ, 43% расійцаў лічаць, што Саюзная дзяржава як аб’яднанне дзвюх краін не трэба, а варта проста падтрымліваць дружалюбныя адносіны. Пры гэтым 22% апытаных адзначылі, што хацелі бы бачыць яго як аб’яднанне дзвюх краін на раўнапраўнай аснове, 17% — як уваходжанне Беларусі ў склад Расіі на правах аднаго або некалькіх рэгіёнаў, 1% — як уваходжанне Расіі ў склад Беларусі на правах аднаго або некалькіх рэгіёнаў. Не сталі адказваць 12% грамадзян, а не змаглі з выбарам яшчэ 5%.

Акрамя таго, 23% расійцаў ацэньваюць цяперашнія адносіны паміж дзяржавамі як дружалюбныя, 20% як нармальныя, столькі ж — як добрыя. Яшчэ 16% апытаных заўважылі, што адчуваюць пахаладанне ў адносінах, 11% назвалі іх напружанымі, 1% грамадзян ацанілі іх як варожыя, а 9% не змаглі адказаць.

Пры гэтым, па дадзеных апытання, амаль палова насельніцтва РФ лічыць, што адносіны дзвюх краін на працягу апошняга года застаюцца ранейшымі, 32% лічаць, што яны пагаршаюцца, 8% заявілі, што яны паляпшаюцца, а 11% не змаглі адказаць.

Дадамо, што ВЦИОМ праводзіў апытанне 20 жніўня, у ім узялі ўдзел 1,6 тысячы грамадзян старэйшых за 18 гадоў.