Амерыканец стаў самым узроставым алімпійскім чэмпіёнам у плаванні

Амерыканскі плывец Энтані Эрвін перамог у фінальным заплыве на дыстанцыі 50 метраў вольным стылем з вынікам 21,40 секунды.

plavanne.jpg

Ілюстрацыйнае фота. Здымак championat.com 
Свой чарговы залаты медаль Эрвін заваяваў ва ўзросце 35 гадоў 79 дзён, што робіць яго самым узроставым алімпійскім чэмпіёнам у плавальных відах спорту.
Другім на фініш прыйшоў дзеючы чэмпіён свету на гэтай дыстанцыі француз Фларан Маноду, які адстаў ад Эрвіна за ўсё на адну сотую секунды.
Бронзавы медаль дастаўся яшчэ аднаму плыўцу з ЗША Натану Эдрыянам.
Для Энтані Эрвіна гэта ўжо другое золата на гульнях у Рыа — некалькімі днямі раней ён у складзе зборнай ЗША стаў пераможцам у эстафеце чатыры па 100 метраў вольным стылем.
Да гэтага Эрвін таксама адзін раз станавіўся залатым прызёрам Алімпіяды — 16 гадоў таму на гульнях у Сіднэі. Неўзабаве пасля той перамогі ён сышоў з вялікага спорту, гуляў у рок-групе, меў праблемы з наркотыкамі і нават спрабаваў скончыць жыццё самагубствам.
Да плавання Энтані Эрвін вярнуўся толькі ў 2011 годзе і прыняў удзел у Алімпійскіх гульнях у Лондане ў 2012 годзе, але тады застаўся без медалёў.
Паводле рускай службы Бі-бі-сі