Брытанія: кансерватары ініцыявалі вотум недаверу прэм'еру Тэрэзе Мэй

Праціўнікі прэм'ер-міністра Тэрэзы Мэй у шэрагах яе Кансерватыўнай партыі сабралі 48 пісьмовых заяў, неабходныя для таго, каб ініцыяваць галасаванне па вотуму недаверу лідару партыі.

aa052abf_14ca_435f_aeda_86c9617c96ce_cx0_cy7_cw0_w1023_r1_s.jpg

Дэпутаты Палаты обшчын ад Кансерватыўнай партыі прагаласуюць па гэтым пытанні паміж 18:00 і 20:00 па Грынвічы. У выпадку, калі простая большасць членаў фракцыі выкажацца супраць Мэй, яна павінна будзе пакінуць пасаду лідара партыі і прэм'ер-міністра.
Галасаванне з нагоды вотуму недаверу стала магчымым пасля таго, як 48 парламентарыяў-кансерватараў (15 адсоткаў ад цяперашняга ліку дэпутатаў) напісалі лісты, у якіх заявілі, што больш не давяраюць партыйнаму лідару.
Тэрэза Мэй, якая заняла пасаду прэм'ер-міністра Вялікабрытаніі неўзабаве пасля таго, як краіна прагаласавала за выхад са складу ЕС, у 2016 годзе сутыкнулася з рэзкай унутрыпартыйнай крытыкай прапанаванага ёй пагаднення аб умовах выхаду з ЕС.
ВВС