Брытанцы масава запатрабавалі кампенсацыі праз наступствы вакцыны ад COVID
Якія праблемы са здароўем выклікалі прэпараты?
Ілюстрацыйны здымак
Каля 14 тысяч жыхароў Вялікабрытаніі звярнуліся да ўрада па кампенсацыі за меркаваную шкоду, якую іх здароўю маглі прычыніць вакцыны ад COVID-19, піша «Зеркало».
Як паведамляе The Telegraph, выплаты ўжо былі прызначаныя некаторым людзям, якія перанеслі інсульт ці інфаркт, утварэнні небяспечных тромбаў, запаленне спіннога мозгу, празмерны ацёк вакцынаванай канечнасці або параліч нерва твару.
З моманту заснавання ў 1979 годзе Праграмы выплат за шкоду ад вакцынацыі (VDPS) у Вялікабрытаніі там атрымалі каля 16 000 заяў, але пераважная большасць з іх — пасля пандэміі, гэтыя скаргі тычыліся вакцынацыі ад COVID.
Глядзіце таксама
У публікацыі The Telegraph адзначаецца, што 97% задаволеных іскаў датычацца вакцыны AstraZeneca, якую вырабляе брытана-шведская фармацэўтычная кампанія. Астатнія 3% прыпадаюць на тых, хто прывіваць прэпаратамі амерыканскіх Pfizer або Moderna.
Паведамляецца, што ўрад Вялікабрытаніі пакуль выплаціў кампенсацыі толькі 175 грамадзянам, якія звярнуліся, — гэта менш за 2% ад агульнай колькасці заявак. Гэтыя людзі атрымалі па 120 000 фунтаў стэрлінгаў (каля 486 тысячаў беларускіх рублёў).
Больш за 5500 заяўнікам эксперты адмовілі — на іх думку, канкрэтных доказаў, што шкоду нанесла менавіта вакцына ад каранавіруса, няма. Яшчэ 519 іскаў адхілілі да медыцынскай ацэнкі.
Глядзіце таксама
Нагадаем, у траўні 2024 года кампанія AstraZeneca пачала адклікаць сваю вакцыну супраць каранавіруса па ўсім свеце з-за "лішку ўдасканаленых вакцын", даступных на рынку. Таксама вытворца афіцыйна прызнаў, што яго прэпарат можа выклікаць небяспечны пабочны эфект, у тым ліку утварэнне тромбаў і паніжэнне ўзроўню трамбацытаў у крыві.
Пры гэтым у цэлым, паводле ацэнак незалежнага даследавання, вакцына выратавала да шасці мільёнаў жыццяў ва ўсім свеце толькі ў першы год яе глабальнага ўкаранення.