Чарговы гумканвой Расіі прыбыў на мяжу з Украінай

Калона МНС Расіі з гумдапамогай для жыхароў Данбаса прыбыла на ўкраінскую мяжу, паведамілі ва ўпраўленні арганізацыі інфармавання насельніцтва МНС.



"Калона, якая складаецца з больш як 180 машын, падзялілася на дзве: 90 аўтамабіляў прыбылі на пункт пропуску "Данецк" і столькі ж — на пункт пропуску "Мацвееў Курган" у Растоўскай вобласці", — сказаў прадстаўнік ведамства, паведамляе korrespondent.net.

Паводле яго слоў, ужо пачалося мытнае афармленне грузаў. Грузавікі заязджаюць на КПП, дзе іх даглядаюць мытнікі і памежнікі.

На пропусках таксама прысутнічаюць супрацоўнікі памежнай і мытнай службаў Украіны і прадстаўнікі місіі АБСЕ.

Расія, пачынаючы са жніўня, ужо адправіла ў Данбас дзевяць гумканвоеў. З 11 жніўня ў Данецк і Луганск было дастаўлена каля 12 тысяч тон гуманітарных грузаў.

Калона МНС РФ з дзясятай гумдапамогай раніцай у нядзелю, 21 снежня, адправілася з Растоўскай вобласці.

У Міністэрства замежных спраў Украіны лічаць, што прыйшоў час адмовіцца ад фармулёўкі "гуманітарны канвой" для абазначэння расійскіх калон, якія заходзяць на акупаваныя тэрыторыі Украіны.

Па словах спікера МЗС Яўгена Перабійніса, Расія штодня накіроўвае некалькі калон са зброяй і ваеннай тэхнікай, а так званыя гуманітарныя канвояў з'яўляюцца адным са спосабаў падтрымкі незаконных узброеных фарміраванняў на Данбасе.