Daimler прыпыніў супрацоўніцтва з расійскім КАМАЗам

Германскаму Daimler Truck AG належыць 15 працэнтаў акцый КАМАЗ. Найбуйнейшы ў Расіі вытворца цяжкіх грузавікоў трапіў пад санкцыі ЕС.

Зборачны цэх заводу КАМАЗ

Нямецкі аўтаканцэрн Daimler Truck AG прыпыняе супрацоўніцтва з расійскім КАМАЗам, які трапіў пад санкцыі ЕС з-за расійскага ўварвання ва Украіну. На сумесным прадпрыемстве "ДК Рус" ў Набярэжных Чаўнах спыняецца вытворчасць грузавікоў і пастаўкі камплектуючых. Пра гэта паведаміў Daimler газеце Handelsblatt у панядзелак, 28 лютага.

У публікацыі, у прыватнасці, адзначаецца, што КАМАЗ з'яўляецца вядучым вытворцам грузавікоў і аўтобусаў у Расіі і ўжо многія гады вырабляе бронемашыны для расійскай арміі. Цяпер мацярынскі канцэрн Daimler Trucks — штутгартскі аўтавытворца Mercedes-Benz — кансультуецца з юрыстамі аб тым, як хутчэй пазбавіцца ад свайго 15-працэнтнага пакета акцый у КАМАЗ.

Паводле www.dw.com