Францыя. Камуністы не пойдуць на выбары

Адпаведна вынікам партыйнага галасавання, французская Кампартыя не будзе выстаўляць свайго кандыдата на прэзідэнцкіх выбарах у наступным годзе. За такое рашэнне прагаласавала 60 працэнтаў удзельнікаў партыйнага рэферэндуму. Такім чынам, упершыню з 1974 года камуністы не будуць удзельнічаць у прэзідэнцкіх выбарах. Апошні раз у 2007-м камуністы, якіх прадстаўляла Марыя-Жорж Буфэ, здолелі атрымаць толькі 1,9 працэнта. У наступным годзе камуністы падтрымаюць Жана-Люка Меленхона — лідара “Партыі Левых (адгалінаванне ад партыі сацыялістаў).

Адпаведна вынікам партыйнага галасавання, французская Кампартыя не будзе выстаўляць свайго кандыдата на прэзідэнцкіх выбарах у наступным годзе. За такое рашэнне прагаласавала 60 працэнтаў удзельнікаў партыйнага рэферэндуму. Такім чынам, упершыню з 1974 года камуністы не будуць удзельнічаць у прэзідэнцкіх выбарах. Апошні раз у 2007-м камуністы, якіх прадстаўляла Марыя-Жорж Буфэ, здолелі атрымаць толькі 1,9 працэнта. У наступным годзе камуністы падтрымаюць Жана-Люка Меленхона — лідара “Партыі Левых (адгалінаванне ад партыі сацыялістаў). Камуністы і левыя даўно ўжо сябруюць у рамках блоку “Фронт Левых, куды акрамя іх уваходзяць яшчэ тузін карлікавых левых груповак.
Па матэрыялах “Libеration (Францыя)