Францыя. Рускія хакеры ледзь не знішчылі тэлеканал

Французская тэлекампанія TV5Monde была на мяжы знішчэння падчас здзейсненай на яе ў 2015 годзе кібератакі, у арганізацыі якой падазраюць расійскіх хакераў, заявіў ВВС гендырэктар кампаніі Іў Біго.

Паводле яго слоў, ад знішчэння TV5Monde выратавала шчаслівае супадзенне: атака адбылася 8 красавіка — у гэты ж дзень быў запушчаны новы тэлеканал кампаніі, з-за чаго тэхнічныя спецыялісты засядзеліся ў офісе дапазна і змаглі аператыўна адрэагаваць.

Па словах Біго, адзін з спецыялістаў кампаніі змог высветліць на які менавіта кампутар здзейснена атака. Затым яго адключылі ад інтэрнэту, здолеўшы такім чынам ліквідаваць пагрозу.

Біго даведаўся пра атаку каля 20:40 па мясцовым часе. У той момант ён святкаваў запуск новага тэлеканала. Цалкам спыніць атаку атрымалася толькі ў 05:25 па мясцовым часе.

Матывы хакераў, па словах Біго, застаюцца невядомымі. Мэтай хакераў быў не шпіянаж, а менавіта знішчэнне тэлекампаніі.

Першая атака хакераў на камп'ютэрную сетку тэлеканала адбылася 23 студзеня 2015 года. Тады хакеры спрабавалі зразумець, як арганізавана сетка. Затым яны стварылі спецыяльнае праграмнае забеспячэнне, якое павінна было пашкодзіць працу тэхнікі, кантралюючае вытворчасць і выпуск тэлепраграм.

У выніку атака пачалася 8 красавіка з сямі розных пунктаў, сярод якіх быў, напрыклад, офіс тэлеканала ў Нідэрландах. У гэтым офісе была сістэма аддаленага кантролю над відэакамерамі.

Наступствы для тэлекампаніі былі вельмі сур'ёзнымі. Яна была вымушаная зноў выкарыстаць факсы, бо электронныя паштовыя скрыні не працавалі. На падлучэнне да інтэрнэту сышлі месяцы. Кампанія ў першы год выдаткавала каля 5,6 млн долараў, а ў 2016 годзе амаль 3,4 млн даляраў на меры па абароне.