Freedom House: Адстаўка Януковіча — адзіны мірны сцэнар завяршэння Еўрамайдану

Праваабарончая арганізацыя Freedom House заклікае ЗША і ЕС увесці санкцыі супраць кіраўніцтва Украіны ў выпадку, калі яно скарыстае сілу супраць мірных мітынгоўцаў. У паведамленні, распаўсюджаным
арганізацыяй, таксама гаворыцца пра тое, што адстаўка Віктара Януковіча і датэрміновыя выбары з'яўляюцца «адзіным негвалтоўным метадам завяршыць супрацьстаянне з
дэманстрантамі».



«Прэзідэнт Януковіч страціў давер і легітымнасьць у вачах ўкраінскага народа. Мы не падтрымліваем ўладу натоўпу, але Януковіч сам стварыў крызіс, адкінуўшы рух да еўрапейскай інтэграцыі, ігнаруючы тым самым патрабаванні пратэстуючых, каб урад працаваў ад імя народа»,  заявіў кіраўнік Freedom House Дэвід Крамер.
 
 
У сваёй заяве праваабарончая арганізацыя спасылаецца на паведамленне пра тое, што 9 снежня ўлады звярнуліся да сілавых метадаў для дэмантажу барыкад ва ўрадавым квартале, а таксама ператрусу «офісаў як мінімум адной апазіцыйнай газеты, а таксама тэлеканала і сайта навінаў».
 
 
«Найлепшае, што можа зрабіць Януковіч, улічваючы яго заклік спыніць пратэсты,  абвясціць сваю адстаўку і, такім чынам, зрабіць магчымымі датэрміновыя прэзідэнцкія выбары»,  лічыць Крамер.
 
 
«ЗША і ЕС ціснуць на ўрад Украіны, каб той прыслухоўваўся да законных патрабаванняў пратэстуючых, і, пры неабходнасці, увесці санкцыі супраць тых асоб, якія адказныя за любое далейшае выкарыстанне сілы»,  падкрэсліў ён.
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: