Грыбаўскайтэ: «Расія знаходзіцца ў стане вайны з Еўропай»

«Зараз Расія фактычна знаходзіцца ў стане вайны з Украінай — краінай, якая імкнецца да больш блізкай інтэграцыі з Еўрасаюзам. Такім чынам, думаю, можна сцьвярджаць, што Расія
сёння знаходзіцца ў стане вайны з Еўропай», — сказала прэзідэнт Літвы Даля Грыбаўскайтэ, прыбыўшы ў Брусэль.



Паводле літоўскага прэзідэнта, Еўрасаюз павінен дапамагчы Украіне ў першую чаргу «вайсковым абсталяваннем». Грыбаўскайце назвала санкцыі Еўрасаюзу «занадта агульнымі» і выказала надзею, што НАТО прадаставіць Украіне вялікую дапамогу. Паводле яе словаў, вялікай памылкай Еўрасаюзу зьяўляецца тое, што цяперашнія санкцыі тычацца толькі будучых кантрактаў з Расіяй, а не ўжо існых. «Нам варта перастаць падманваць сябе і перастаць слухаць хлусьню Пуціна», — сказала Грыбаўскайтэ.
 
 
Сёння падчас прэсавай канферэнцыі па выніках сустрэчы з прэзідэнтам Украіны Пятром Парашэнкам прэзідэнт Еўракамісіі Жазэ Мануэль Барозу заявіў, што Еўракамісія падрыхтавала дзяржавам-сябрам варыянты адносна санкцыяў супраць Расіі.
 
 
Прэзідэнт Украіны Пётр Парашэнка ў сваю чаргу заявіў, што на тэрыторыі Украіны нібыта ўжо знаходзяцца тысячы замежных салдатаў і сотні танкаў. Пры гэтым Парашэнка дадаў, што ўрад Украіны разумее, што гэты канфлікт не можа быць вырашаны ваенным шляхам. Украінскі прэзідэнт падкрэсліў, што ягоная краіна разлічвае ў першую чаргу на вайскова-тэхнічную дапамогу ўсясветнай супольнасці, а не на прыцягненне замежных вайсковых фармаванняў.
 
 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: