«Еўранаступ» перадаў Януковічу больш за 1 млн подпісаў за еўраінтэграцыю

Актывісты усеўкраінскай кампаніі «Евронаступ» уручылі прадстаўніку Адміністрацыі прэзідэнта Украіны больш за 1 млн подпісаў сабраных у падтрымку інтэграцыі Украіны з ЕС і правядзення Еўрарэферэндума. Збор подпісаў працягваўся на працягу трох тыдняў і праходзіў у найбуйнейшых гарадах Украіны.



Усяго пад сценамі АП сабралася каля сотні чалавек з сімволікай Украіны, ЕС і банерам з надпісам: «За еўрапейскую будучыню».
На думку ініцыятара правядзення Еўрарэферэндума Сяргея Бандарчука, украінцы яшчэ маюць шанец, што пагадненне будзе падпісана.
«За апошнія тры тыдні мы сабралі больш за 1 млн 136 тыс. подпісаў у падтрымку еўраінтэграцыі, гэта прамы загад, патрабаванне да ўлады: не адыходзіць ад еўраінтэграцыйны курсу, таму што мы выбіраем Еўропу. Мы гэта зрабілі яшчэ 9 гадоў таму падчас аранжавага Майдану. Я ўпэўнены, што ў нас яшчэ ёсць час для таго, каб прымусіць уладу падпісаць пагадненне аб асацыяцыі. Толькі ад нашай сілы, нашага характару залежыць, ці пачуе нас улада, бо яна чуе толькі пазіцыю сілы», — сказаў у час акцыі Бандарчук.
Ён таксама заклікаў украінцаў абараніць свой ​​еўрапейскі выбар на Еўрамайдане.
«Акцыі ў падтрымку еўраінтэграцыі павінны працягвацца да 29 лістапада. Заклікаю грамадзян падтрымаць Еўрамайдан сёння і 24 лістапада. Калі пагадненне ў Вільні не будзе падпісана, мы павінны будзем заблакаваць парламент для таго, каб прарасійская большасьць не падпісала пагадненне з Мытным саюзам», — заявіў Бандарчук.
Пасля перадачы подпісаў ўдзельнікі мерапрыемства разгарнулі вялікі сцяг Украіны - ЕС і накіраваліся калонай на Майдан Незалежнасці.
rbc.ua