Казахстан. Назарбаеў атрымае эліксір жыцця

Мы ўжо пісалі пра тое, што навукоўцы Nazarbayev University ў Казахстане прадставілі на суд публікі спецыяльны ёгурт, які лічаць першым крокам на шляху стварэння эліксіру жыцця. Стварыць эліксір да 2020 года ад іх ультыматыўна патрабаваў прэзідэнт.
 



Казахская грамадскасць сустрэла паведамленне жартамі. На думку большасці, тыя навукоўцы папросту разводзяць гаранта на грошы пад выглядам сур’ёзнай навуковай працы над стварэннем цуда-прэпарату. Аднак цяпер нечакана на бок Nazarbayev University стала брытанская акадэмічная супольнасць. Выданне «The Telegraph» цытуе аднаго з дырэктараў Лонданскага музея навукі Роджара Хайфілда, які кажа: «Адназначна, што казахі на правільным шляху. Ідэя стварыць мікробныя культуры ў арганізме чалавека выглядае цікава. Мы таксама выявілі, што складаная сумесь мікраарганізмаў мае вялікі ўплыў на шматлікія працэсы».

Паводле брытанскай прэсы