Лаўроў: Масква паведаміла Кіеву пра адпраўку новага канвою

Расія накіравала ў МЗС Украіны ноту аб адпраўцы новага гуманітарнага канвою, паведаміў міністр замежных спраў Расіі Сяргей Лаўроў, паведамляе www.bbc.co.uk.



Паводле яго слоў, Масква разлічвае, што новы канвой на Украіну будзе накіраваны па тым жа маршруце ўжо на гэтым тыдні.

"Разлічваем, што час, які на гэта спатрэбіцца з улікам ужо існуючага вопыту, будзе не такім працяглым, як гэта было ў выпадку з першым канвоем", — адзначыў Лаўроў.

Па словах міністра, Масква разлічвае, што размеркаванне гуманітарнай дапамогі на ўсходзе Украіны, якое ідзе пры ўдзеле супрацоўнікаў Міжнароднага Камітэта Чырвонага Крыжа, пройдзе па плане.

У суботу Белы дом назваў прасоўванне расійскага гуманітарнага канвою на Украіну парушэннем суверэнітэту Украіны і заклікаў расійскія ўлады вывезці грузавікі з украінскай тэрыторыі.