Любіцу рэкамендавалі шпіталізацыю ў псіхлячэбніцу за два тыдні да катастрофы

Лекар рэкамендаваў Андрэасу Любіцу, другому пілоту, які разбіў у Францыі самалёт Airbus A320, шпіталізацыю ў псіхіятрычную клініку за два тыдні да катастрофы.



Фота: pixabay.com

Пра гэта піша The Wall Street Journal.

Па інфармацыі выдання, лекар не паведаміў аб сваіх рэкамендацыях адпаведным органам, паколькі баяўся, што тым самым ён можа парушыць нямецкія законы аб недатыкальнасці прыватнага жыцця.

6 сакавіка паведамлялася, што Любіц пачаў адчуваць праблемы са здароўем, у прыватнасці, ён пакутаваў эмацыйнай нераўнавагай з 2008 года. У ходзе навучання ў авіяшколе Lufthansa ў Брэмэне ён скардзіўся на парушэнні сну, страту смаку, нюху, слыху і боль у вушах. Таксама ён пакутаваў ад дэпрэсіі, паколькі цяжка перажываў пераезд з дому і расстанне са сваёй дзяўчынай, якая засталася ў яго родным горадзе Монтабаур.

5 сакавіка быў апублікаваны апошні ліст Андрэаса Любіца, які 27-гадовы лётчык адправіў па электроннай пошце аднаму са сваіх лекараў. Ліст датаваны 10 сакавіка 2015 года. У пасланні пілот скардзіўся на тое, што «максімальны адрэзак сну ноччу складае дзве гадзіны". Ён таксама распавёў, якія антыдэпрэсанты прымае, і пытаўся, што яму зрабіць для нармалізацыі сну.

Акрамя таго, паведамлялася, што на працягу некалькіх месяцаў перад катастрофай Любіц наведаў больш за 40 лекараў.

Airbus А-320 кампаніі Germanwings, які выконваў рэйс з Барселоны ў Дзюсельдорф, 24 траўня 2015 года разбіўся ў французскіх Альпах. На борце лайнера знаходзіліся 150 чалавек, у тым ліку шэсць членаў экіпажа. Усе загінулі.

Падчас палёту Любіц заблакаваў дзверы ў кабіне пілота, калі камандзір экіпажа выйшаў, і, як лічыць следства, наўмысна накіраваў лайнер ўніз.

У ходзе расследавання высветлілася, што Любіц, грамадзянін Нямеччыны, у мінулым пакутаваў ад дэпрэсіі і лячыўся з-за схільнасці да суіцыду. Таксама было ўстаноўлена, што 24 сакавіка, у дзень выканання рэйса, лётчык павінен быў знаходзіцца на бальнічным.