Малдова. Краіна будзе федэрацыяй?
Канстытуцыйны суд Малдовы нядаўна прыняў рашэнне, якое дае зялёнае святло з’яўленню рэгіянальных партый.
Сцягі щсіх рэгіёнаў Рэспублікі Малдова на адной карце. Фота a-tv.md
Многія ўпэўненыя, што гэта паўплывае на мясцовы партыйны расклад. Перш за ўсё, гэтай магчымасцю могуць скарыстацца гагаузы. Лічыцца, што рэгіянальная партыя можа быць створаная на поўначы ў горадзе Бельцы, дзе пераважна выкарыстоўваецца руская мова.
Таксама магчыма, што рашэнне суда — гэта пасланне эліце Прыднястроўя. Рашэнне па рэгіянальных партыях дазволіць Прыднястроўю мець сваю палітычную сілу ў выпадку рэінтэграцыі ў склад Малдовы.
Між тым, правая апазіцыя мяркуе, што рэгіянальныя партыі будуць правакаваць як мінімум федэралізацыю, калі не сепаратысцкія працэсы.
Самае цікавае, што паняцце «рэгіянальная партыя» ў цяперашнім заканадаўстве аб партыях адсутнічае. У рашэнні суда таксама ані слова наконт крытэраў для стварэння падобнага палітычнага аб’яднання. На думку юрыстаў, у сувязі з гэтым новыя рэгіянальныя партыі тэарэтычна могуць стварацца жыхарамі аднаго горада ці нават раёна.
Паводле малдоўскай прэсы