Маскоўскі суд санкцыянаваў арышт Эстана Кохвера

Ляфортаўскі суд Масквы ў суботу санкцыянаваў арышт супрацоўніка паліцыі бяспекі Эстоніі Эстана Кохвера на два месяцы па справе аб шпіянажы.



Напярэдадні вечарам Цэнтр грамадскіх сувязяў ФСБ Расіі заявіў, што супрацоўнік паліцыі бяспекі Эстоніі быў затрыманы ў Пскоўскай вобласці, пры гэтым затрыманы праводзіў агентурную аперацыю. 
«На тэрыторыі Расійскай Федэрацыі затрыманы супрацоўнік Тартускага аддзела Дэпартамента паліцыі бяспекі МУС Эстоніі Эстан Кохвер. У парушальніка канфіскаваныя пісталет "Таурус" з патронамі, грашовыя сродкі ў суме 5 тыс. еўра, спецтэхніка для ажыццяўлення прыхаванага аўдыёзапісу, а таксама матэрыялы, якія маюць характар ​​разведвальнага задання», — паведаміў Цэнтр грамадскіх сувязяў ФСБ. 
Паліцыя бяспекі Эстоніі падкрэслівае, што Эстан Кохвер быў выкрадзены на тэрыторыі Эстоніі: у Расію яго даставілі, пагражаючы зброяй.