На 97-м годзе жыцця памерла брытанская каралева Лізавета II

8 верасня на 97-м годзе жыцця памерла брытанская каралева Лізавета II. Яна займала трон 70 гадоў — з 6 лютага 1952 года.

Апошнім часам трывожныя паведамленні аб стане Лізаветы II узнікалі ўсё часцей. У лютым у сеціве з'явіліся кадры, на якіх каралева праводзіць чарговую рабочую сустрэчу, абапіраючыся на кій. Праз некалькі дзён высветлілася, што яна заразілася каронавірусам.

Паводле некаторых меркаванняў, Лізавета II адчувала набліжэнне канца. На пачатку 2022 годзе яна выпусціла заяву, у якой афіцыйна прызначыла старэйшага сына Чарльза свае пераемнікам на троне. Аднак і пасля гэтага не спыніліся абмеркавання таго, што каралём павінен стаць прынц Уільям.

Сёння днём з'явіліся навіны пра пагаршэнне стану каралевы. Члены манаршай сям'і тут жа памчаліся да Лізаветы II. Прынц Гары і Меган Маркл таксама выехалі ў Шатландыю ў замак Балмарал.

Лічыцца, што на стан здароўя Лізаветы II моцна паўплывала смерць яе мужа Філіпа. Муж каралевы памёр у красавіку 2021 года, не дажыўшы два месяцы да стогадовага юбілею. Манарх старалася не паказваць свае эмоцыі на публіцы, але ўсім было зразумела, што яна пакутуе.

На выпадак смерці Лізаветы II даўно распрацаваны план «Лонданскі мост». Згодна з ім, першым інфармацыю аб смерці каралевы атрымаў яе асабісты сакратар, які адразу ж звярнуўся да прэм'ер-міністра. Далей трагічную навіну паведамілі прадстаўнікам 14 іншых дзяржаў і толькі пасля гэтага інфармацыя з'явілася ў СМІ.

Уклад Лізаветы II у сусветную гісторыю цяжка пераацаніць. На працягу доўгіх дзесяцігоддзяў манарх уплывала на міжнародную палітыку, робячы ўсё, каб Вялікабрытанія заставалася магутнай дзяржавай.