На прэзідэнцкіх выбарах у Грузіі перамагла дачка палітэмігрантаў

Саломэ Зурабішвілі, якую падтрымлівала партыя «Грузінская мара», набрала ў другім туры прэзідэнцкай гонкі 59,56 % галасоў, паведамляе Белсат.

Прадстаўнік апазіцыйнай кааліцыі «Сіла ў адзінстве» Грыгол Вашадзэ набраў 40,44 %.
Для перамогі ў другім туры аднаму з кандыдатаў дастаткова было набраць большасць галасоў. Паводле папярэдніх звестак, яўка склала 56,23%.
Зурабішвілі нарадзілася ў Францыі ў 1952 годзе ў сям’і палітычных эмігрантаў. Ейныя бацькі зʼехалі з краіны ў 1921 годзе.