На лініі падзелу Нагорнага Карабаху і Азербайджана пачасціліся баявыя сутыкненні
У апошнія дні сітуацыя на лініі судакранання Нагорнага Карабаха і Азербайджана рэзка абвастрылася. Міністэрства абароны Нагорнага Карабаха паведаміў 2 жніўня, што мінулай ноччу на карабахскай-азербайджанскай мяжы зноў было парушана перамір'е.
Азербайджанскі бок распачаў чарговую дыверсію, — заяўляюць карабахскія ўлады. Міністэрства абароны Азербайджана абвінаваціла «армянскую дыверсійную групу» у нападзе на
свае ваенныя пазіцыі, — перадае агенцтва Франс-Прэс заяву уладаў Баку і паведамленне пра гібель 4 азербайджанскіх вайскоўцаў. У пятніцу, 1 жніўня, мінабароны Азербайджана паведамляла
аб гібелі ў прыгранічных інцыдэнтах на працягу тыдня 8 вайскоўцаў.
Як паведамляецца, з армянскага боку загінуў адзін вайсковец. У заяве, распаўсюджанай прэс-службай міністэрства абароны Нагорнага Карабаха, гаворыцца: «Падраздзяленні арміі абароны своечасова
выявілі прасоўванне атрада праціўніка і нанеслі ўдар, адкінуўшы іх на зыходныя пазіцыі. Паводле дадзеных азербайджанскага боку, трое забітыя і сямёра параненыя. Супернік таксама пакінуў на полі бою
ўзбраенне спецыяльнага прызначэння і іншыя тэхнічныя сродкі. На жаль, у жорсткім супрацьстаянні з армянскага боку таксама была страта. У ходзе абароны Радзімы смерцю храбрых загінуў вайсковец Арміі
абароны Зорык Геваркян 1989 году нараджэння».
Нагадаем, 2 дні таму міністэрства абароны Нагорнага Карабаха паведаміла пра чарговую спробу нападу на армянскія пазіцыі ў Карабаху, у выніку чаго загінулі двое армянскіх вайскоўцаў.
У паведамленні гаварылася: «31 ліпеня праціўнік распачаў напад ў напрамку адной з вайсковых частак. Аднак сустрэўшы арганізаваны супраціў з боку перадавых сіл, праціўнік, атрымаўшы шматлікія страты, быў адкінуты на зыходныя пазіцыі», — гаварылася ў паведамленні прэс-службы Мінабароны Нагорнага Карабаха.
Трэба адзначыць, што сітуацыя на карабахска-азербайджанскай і армяна-азербайджанскай мяжы застаецца напружанай на працягу ўжо некалькіх месяцаў. Рэжым перамір'я парушаецца амаль кожны
дзень.
Нагадаем, маштабныя ваенныя дзеянні ў Карабаху праходзілі ў 1991-1994 гадах. У траўні 1994 года з удзелам Арменіі, Азербайджана і Карабаха было падпісана перамір'е.
Нягледзячы на абвастрэнне напружання на межах, міністэрства абароны Арменіі не бачыць прычын для панікі. Прэс-сакратар ведамства Арцрун Аванісян адзначае, што войска абароны цалкам кантралюе
сітуацыю. «Не трэба ўдакладняць і цікавіцца ўсімі паведамленнямі, якія распаўсюджвае азербайджанскі бок. Сітуацыя пад кантролем, і армія выконвае сваю задачу. Службоўцы гатовыя для абароны
днём і ноччу», — кажа Арцрун Аванісян.
Міністэрства абароны Арменіі заклікае азербайджанскі бок устрымацца ад далейшага абвастрэнне сітуацыі, і прыкласці ўсе намаганні ў напрамку стабілізацыі сітуацыі на мяжы. З заклікам аб спыненні агню
выступілі і Злучаныя Штаты Амерыкі. «Мы выказваем спачуванні сем'ям загінулых і параненых і заклікаем ўсе бакі прыняць тэрміновыя меры для таго, каб знізіць напружанасць і выконваць
рэжым спынення агню», — заявіла прадстаўнік Дзярждэпартамента Мары Харф.