На выбарах у Швейцарыі перамаглі правыя сілы

Швейцарская народная партыя (SVP) рашуча перамагла на парламенцкіх выбарах у Швейцарыі. Яна атрымала 65 дэпутацкіх мандатаў у Нацыянальнай радзе, то бок на 11 больш, чым на выбарах у 2011 годзе.



У сваю чаргу Радыкальна-дэмакратычная партыя Швейцарыі (FDP) атрымала 43 дэпутацкія мандаты.

Кіраўнік Швейцарскай народнай партыі Тоні Брунэр прызнаў, што на перамогу яго партыі паўплываў, між іншым, міграцыйны крызіс у Еўропе.

У сваю чаргу, радыкальным дэмакратам дапамог моцны швейцарскі франк і эканамічны крызіс.

Калі абедзве фракцыі створаць кааліцыю, то супольна будуць мець 101 мандат у 200-асабовым парламенце і змогуць самастойна кіраваць краінай.

Паводле назіральнікаў, гэта азначае абвастрэнне палітыкі ў дачыненні да іншаземцаў і паглыбленне скептыцызму адносна супрацоўніцтва з Еўрапейскім саюзам.

Паводле www.radyjo.net