Нарвегія закрые межы з-за каронавіруса

Нарвегія мае намер з пятніцы зачыніць дзяржаўныя мяжы ў сувязі з успышкай каронавіруснай інфекцыі, на тэрыторыю каралеўства змогуць заехаць толькі яго падданыя, заявіла на прэс-канферэнцыі ў сераду прэм'ер-міністр краіны Эрна Сульберг.

«На практыцы гэта азначае, што мяжа будзе зачынена для ўсіх, хто не жыве ў Нарвегіі», — адзначыла Сульберг.
Паводле яе слоў, абмежаванні не будуць распаўсюджвацца на медыцынскіх работнікаў з некаторых краін, аднак зараз большасць працоўных мігрантаў не змогуць трапіць у краіну.
У той жа час прэм'ер-міністр падкрэсліла, што дзейныя на дадзены момант абмежавальныя меры добра спрыяюць стрымліванню распаўсюджвання інфекцыі, уключаючы брытанскі штам каронавіруса.
У сярэдзіне студзеня ўлады Нарвегіі вырашылі абавязаць усіх, хто заязджае ў краіну, здаваць на мяжы тэст на COVID-19.
Паводле дадзеных сайта Worldometers, усяго ў Нарвегіі за час пандэміі дыягнаставана больш 61,8 тысяч выпадкаў заражэння каронавірусам, ад наступстваў заражэння інфекцыяй памерлі 556 пацыентаў, амаль 53,3 тысяч чалавек цалкам вылечыліся.
СМІ адзначаюць, што, хоць узровень захворвання ў Нарвегіі застаецца невысокім у параўнанні з іншымі краінамі Еўропы, ён за апошні час вырас, асабліва ў перыяд калядных і навагодніх святаў.
interfax.by