НАТА будзе разглядаць Расію як ворага

Паўночнаатлантычны альянс будзе вымушаны лічыць Расію ў большай ступені праціўнікам, чым партнёрам, лічыць намеснік генеральнага сакратара НАТА Аляксандр Вершбоў.



«Відавочна, што расійцы абвясцілі НАТА сваім праціўнікам, таму нам таксама прыйдзецца пачаць разглядаць Расію ўжо не як партнёра, а хутчэй як праціўніка», — лічыць Вершбоў.

«У нас (з Расіяй) розныя пункты гледжання на тое, якой павінна быць сістэма бяспекі ў Еўропе», — заявіў намеснік генеральнага сакратара НАТА, які знаходзіцца ў цяперашні час з візітам у ЗША. Ён падкрэсліў, што альянс мае намер «абараняць суверэнітэт і права на свабодны выбар суседніх з Расіяй дзяржаваў», і абвінаваціў РФ у тым , што яна «спрабуе аднавіць сваю гегемонію і абмежаваць іх (суседніх дзяржаў) суверэнітэт пад падставай абароны рускага свету».

У якасці прычыны гэтых зменаў, як іх вызначыў Вершбоў, у адносінах паміж РФ і НАТА ён назваў падзеі ва Украіне.

Намеснік генеральнага сакратара НАТА паведаміў, што альянс разглядае магчымасць размяшчэння дадатковых сіл ва Усходняй Еўропе на пастаяннай або ратацыйнай аснове, у прыватнасці з мэтай умацавання бяспекі балтыйскіх краін.

«Мы хочам быць упэўненымі ў тым, што можам прыйсці на дапамогу гэтым дзяржавам у выпадку, калі ўзнікне якая-небудзь пагроза, хай нават ускосная», — сцвярджае Вершбоў.

Раней на гэтым тыдні на эстонскай авіябазе Эмары здзейснілі пасадку чатыры знішчальнікі F-16 каралеўскіх ВПС Даніі. Дацкі кантынгент у рамках місіі НАТО на працягу чатырох месяцаў будзе ажыццяўляць патруляванне паветранай прасторы краін Балтыі. Другая частка гэтай місіі ажыццяўляецца з літоўскай авіябазы Зокняй польска-брытанскім кантынгентам.

Паводле УНІАН