Нобелеўская прэмія міру ўручана за барацьбу з ядзернай зброяй

Нобелеўская прэмія міру за 2017 год афіцыйна ўручана 10 снежня Міжнароднай кампаніі за забарону ядзернай зброі на цырымоніі ў сталіцы Нарвегіі, паведамяле "Радыё Свабода". 

Выканаўчы дырэктар Міжнароднай кампаніі за знішчэньне ядзернай зброі (ICAN) Беатрыс Фін прысутнічала на цырымоніі ўзнагароджання ў мэрыі Осла ў суправаджэнні Сецука Тэрлоў з Японіі, якая перажыла атамнае бамбаванне Хірасімы ў 1945 годзе і стала актывістам руху за знішчэньне ядзернай зброі. 

Абвясціўшы пераможцу сёлетняй прэстыжнай прэміі ў кастрычніку, нарвежскі Нобелеўскі камітэт вітаў працу ICAN па «прыцягненні ўвагі да катастрафічных гуманітарных наступстваў любога прымянення ядзернай зброі» і яго «наватарскія намаганні ў дасягненні забароны на такую зброю на аснове дамоваў». Жэнеўская арганізацыя ICAN пачала сваю дзейнасць у 2007 годзе і налічвае агулам 468 партнёрскіх арганізацый у 101 краіне. 

Пазней, 10 снежня, Нобелеўскія прэміі ў медыцыне, фізіцы, хіміі, літаратуры і эканоміцы маюць быць уручаныя лаўрэатам 2017 года на цырымоніі ў сталіцы Швецыі, Стакгольме. 

Кожная прэмія складае 9 мільёнаў шведскіх крон (1,1 мільёна долараў). Цырымоніі ўзнагароджання традыцыйна праводзяцца 10 снежня, у гадавіну з дня смерці шведскага прамыслоўца Альфрэда Нобеля, які заснаваў прэмію.