Пад будынкам амбасады Расіі ў Анкары пратэставалі супраць акупацыі Крыму
У суботу, 28 лютага, пад сценамі амбасады Расійскай Федэрацыі ў Анкары адбыўся масавы пікет крымскататарскай дыяспары Турцыі, у якім прынялі ўдзел таксама грамадзяне Украіны — уцекачы з анексаванага Крыма.
Акцыя была прымеркавана да гадавіны акупацыі расійскімі войскамі Крымскага паўвострава ў лютым-сакавіку 2014 года.
Як паведамляе карэспандэнт "Крым. Рэаліі", па інфармацыі арганізатараў, у дэманстрацыі і пікеце прынялі ўдзел каля 1500 чалавек.
Людзі, якія сабраліся, скандавалі: «Пуцін, прэч з Крыму», «Крымскія татары не здадуцца», «Сын Крыма Мустафа, народ на тваім баку», «Міллет. Ватан. Къырым».
16 сакавіка 2014 года на тэрыторыі Крыма і горада Севастопаля прайшоў так званы рэферэндум аб статусе паўвострава, па выніках якога Расія ўключыла Крым у свой склад. Ні Украіна, ні Еўрапейскі саюз, ні ЗША не прызналі гэта галасаванне і лічаць, што Крым Расія анексавала.
Пасля гэтага ЗША і Еўрапейскі саюз увялі шэраг эканамічных санкцый у дачыненні да Расіі. Захад працягвае настойваць на тым, што Крым з'яўляецца часткай Украіны.