Пентагон: Расія сабрала на мяжы з Украінай больш войск, чым у 2014 годзе

Расія сабрала на мяжы з Украінай больш войск, чым у 2014 годзе, заявіў прэс-сакратар Пентагона Джон Кірбі. Ён адзначыў, што сітуацыя выклікае сурʼёзны непакой, паведамляе «Свабода».

Кірбі дадаў, што заяўленая мэта знаходжання войскаў — вучэнні — не выглядае відавочнай.

Напярэдадні кіраўнік еўрапейскай дыпламатыі Жазэп Барэль заявіў, што Расія, паводле яго звестак, сканцэнтравала 150 тысяч сваіх вайскоўцаў на мяжы з Украінай і ў акупаваным Крыме.

«І гэта найвялікшае перамяшчэнне расійскіх войск каля ўкраінскіх межаў за ўвесь час», — адзначыў ён.