Прэзідэнт Чэхіі публічна спаліў чырвоныя майткі

Мілаш Земан заявіў, што "час ніжняй бялізны ў палітыцы скончылася" і ў знак гэтага перад тэлекамерамі спаліў гіганцкія чырвоныя майткі.

Прэзідэнт Чэхіі Мілаш Земан падчас брыфінгу ў чацвер, 14 чэрвеня, спаліў чырвоныя майткі, якія некалькі гадоў таму вядомая сваімі перформансамі на палітычныя тэмы чэская арт-група “Ztohoven” вывесіла над рэзідэнцыяй кіраўніка дзяржавы замест прэзідэнцкага штандара, паведамляе “Idnes”.

Пры гэтым Земан заявіў, што палітыку варта праводзіць "на падставе абмену думак, а не ніжняй бялізны" і падкрэсліў, што "час ніжняй бялізны ў палітыцы скончыўся".

Чэшскі прэзідэнт адзначыў, што яго адміністрацыя набыла майткі ў Камітэце па кіраванні дзяржмаёмасцю за адну крону.

У “Ztohoven” раней заявілі, што замена прэзідэнцкага штандара ў Празе на вялізныя чырвоныя майткі была палітычнай акцыяй і адказам на візіт прэзідэнта ў Кітай. У арт-групе адзначылі, што чырвоныя майткі з'яўляецца лепшым сцягам для "чалавека, які нічога не саромеецца".

Паводле korrespondent.net