Рада Украіны зацвердзіла Яцанюка прэм’ерам

Новая Вярхоўная Рада Украніы падтрымала кандыдатуру Арсенія Яцанюка на пасаду прэм'ер-міністра Украіны.



Як перадае карэспандэнт УНІАН, за гэтае рашэнне прагаласаваў 341 дэпутат з 390 народных дэпутатаў, зарэгістраваных у сесійнай залі. Ад Блока Пятра Парашэнкі — 138 галасоў «за», ад Народнага фронту — 83, Апазіцыйнага блока — 1, «Самопомочі» — 32, Радыкальнай партыі — 21, групы «Улада народа» — 19, «Бацькаўшчына» — 18, групы «Эканамічнае развіццё» — 16.

Арсень Яцанюк нарадзіўся 22 мая 1974 года ў г. Чарнаўцы.

Скончыў Чарнавіцкі нацыянальны універсітэт імя Юрыя Федзькавіча, юрыдычны факультэт, спецыяльнасць — «правазнаўства» і Чарнавіцкі гандлёва-эканамічны інстытут Кіеўскага нацыянальнага гандлёва-эканамічнага універсітэта.

У 1992 — 1997 гадах працаваў прэзідэнтам юрыдычнай фірмы «Юрэк-ЛТД» (г. Чарнаўцы).

У 1998 — 2001 гадах быў кансультантам крэдытнага дэпартамента, саветнік старшыні праўлення, намеснік старшыні праўлення банка «Аваль».

У 2001 — 2003 гадах — міністрам эканомікі Аўтаномнай Рэспублікі Крым.

У 2003 — 2005 гадах займаў пасаду першага намесніка старшыні Нацыянальнага банка Украіны, в. а. кіраўніка НБУ.

У 2005 год быў першым намеснікам старшыні Адэскай абласной дзяржаўнай адміністрацыі.

У 2005 — 2006 гадах быў міністрам эканомікі Украіны.

У 2006 — 2007 гадах займаў пасаду першага намесніка кіраўніка Сакратарыята прэзідэнта — прадстаўнік прэзідэнта ў Кабінеце міністраў.

У 2007 год быў міністрам замежных спраў Украіны.

У 2007 — 2008 гадах — старшыня Вярхоўнай Рады Украіны.

З 2008 па 2012 гады быў народным дэпутатам Украіны VI склікання, у 2012 — 2014 гадах — народным дэпутатам VII склікання, старшынёй парламенцкай фракцыі ВА «Бацькаўшчына».

З 27 лютага 2014 года займае пасаду прэм’ер-міністра Украіны.

Жанаты. Жонка Тэрэзія Яцанюк — старшыня Назіральнага савета Фонду Арсенія Яцанюка «Адкрый Украіну». Дачкі — Крысціна і Сафія, школьніцы.