Расійская вайсковая база схаваная побач з школамі і бальніцамі ў Стаханаве
Міжнародная валанцёрская супольнасць InformNapalm.org ідэнтыфікавала чарговае скопішча на ўсходзе Украіны вайсковай тэхнікі войскаў Расійскай Федэрацыі, якое знаходзіцца побач з “Дзіцячай паліклінікай і школай №28 у горадзе Стаханаве.
На фота зафіксаваныя армейскія радыёстанцыі (КШМ) на базе ЗІЛ-131 і Газ-66. Мадэлі машынаў старэнькія, але для “маладой рэспублікі” яны вельмі дарагія, тым больш што пенсіі ў “ЛНР” і “ДНР” пачалі затрымліваць, а так званыя бюджэтнікі наагул забыліся, як выглядаюць хоць нейкія грошы…
Мы можам пабачыць, што нават сэрвіс “Яндэкс.Мапы” пацверджвае наяўнасць вайсковай тэхнікі Расіі ў гэтым месцы.
Матэрыял да публікацыі падрыхтаваў @BuTaJIu4eK
Пераклаў на беларускую мову Дзяніс Івашын