Рэспубліканцы перамаглі на выбарах у Сенат ЗША

Рэспубліканская партыя ЗША атрымала перамогу на прамежкавых выбарах у штаце Паўночная Караліна і атрымала шостае месца ў Сенаце, неабходнае для кантролю над верхняй палатай кангрэса.



Мітч Макконнэлл, які зараз узначаліць Сенат, пляскае па плячы Барака Абаму
Партыя таксама перамагла ў ключавых для яе Арканзасе, Каларада, Мантане, Паўднёвай Дакоце, Заходняй Вірджыніі, Аёве і Кентукі. 
Тым часам дэмакраты захавалі за сабой важны штат Нью-Гэмпшыр. 
Сенат затым узначаліць лідэр рэспубліканцаў у Сенаце Мітч Макконнэлл, які заменіць на гэтай пасадзе кіраўніка дэмакратаў Гары Рыда. 
Па выніках гэтых выбараў рэспубліканцы таксама ўмацуюць сваю большасць у ніжняй палаце кангрэсу — Палаце прадстаўнікоў. 
На прамежкавых выбарах, якія праходзілі ў ЗША 4 лістапада, амерыканцы выбіралі трэць складу Сенату, усіх 435 членаў Палаты прадстаўнікоў, 36 з 50 губернатараў штатаў і мясцовых чыноўнікаў. 
Да гэтага Сенат з 2006 кантралявалі дэмакраты, маючы большасць у пяць месцаў — 53 мандаты двух незалежных сенатараў, якія галасавалі з дэмакратамі, у параўнанні з 45 мандатамі рэспубліканцаў. 
Рэспубліканскай партыі трэба было выйграць толькі шэсць мандатаў, каб узяць кантроль над Сенатам.
bbc.co.uk