Сянцоў у катастрафічным стане

Украінскі палітвязень Крамля Алег Сянцоў знаходзіцца ў крытычным стане. Пра гэта паведаміла ў Facebook сястра Сянцова Наталля Каплан.

Па словах Каплан, Сянцоў адчувае сябе дрэнна і зараз амаль не ўстае.
"Усё не проста дрэнна, усё катастрафічна дрэнна. Алег мне праз адваката перадаў ліст, ён амаль не ўстае. Напісаў, што канец блізкі, і ён гэта не пра вызваленне. Пытаецца, цікавіцца ці нехта яшчэ яго галадоўкай, яму не перадаюць лістоў, ніякіх! Кажа, што ён цяпер у інфармацыйным вакууме і наогул не ведае, што адбываецца", — распавядае яна.
Таксама яна паведаміла, што Сянцоў адмовіўся ад пераводу ў грамадзянскую лякарню.
"ЕСПЧ настойвае аб пераводзе ў грамадзянскую лякарню, прычым бліжэй да месца прапіскі. Алег адмовіўся, кажа, што ён проста не перажыве этап, а ў цывільным шпіталі ў Лабытнангі, куды ён ужо трапляў у рэанімацыю, над ім здзекуюцца яшчэ больш, чым у турэмным", — паведаміла Каплан.
Адвакат Зміцер Дінзе пасля наведвання Сянцова таксама паведаміў пра дрэнны стан палітвязня.
Паводле яго слоў, у Сянцова моцна знізіўся гемаглабін, што прывяло да анеміі, а таксама вельмі нізкі пульс, каля 40 удараў у хвіліну. Дінзе распавёў, што Сянцова два разы спрабавалі ўгаварыць з'ехаць у бальніцу. Таксама ён адчувае слабасць ва ўсім целе, паведаміў адвакат.
Як вядома, у жніўні 2015 года Паўночна-Каўказскі акруговы ваенны суд прызнаў рэжысёра Алега Сянцова і анархіста Аляксандра Кольчанка вінаватымі па справе аб стварэнні тэрарыстычнага супольнасці, здзяйсненні і планаванні тэрактаў.
Па версіі следства, у 2014 годзе Сянцоў стварыў "тэрарыстычную групоўку", удзельнікі якой падпалілі дзверы "Рускай абшчыны Крыму" і вокны аддзялення "Адзінай Расеі", а таксама рыхтавалі падрывы помніка Леніну і Вечнага агню.

Паводле rbc.ua